So, des is die Eschtler-Palz-Poscht-Seit!

Ehr froochen eich sischer all: "Was sinn'n Eschtler?" - Die Erklärung uff die Frooch is ganz ääfach: Eschtler sinn e ganz schbeziellie Art vun Mensche. Die wohnen in em Dorf mitte im Pälzer Wald, des Eschtl (uff Doitsch: Esthal, jetzert kinnen ehr mol schää uff de Landkaart suche..) hääße dut, merr heert un sieht se kaum un wann merr se froocht wu se herkummen, dann wärrn se meischdens ausgelacht odder zumindeschd dumm oogegrinnst, alldieweil se jo aus Eschtl kummen. 'S is zwar mechlich aus dem Word "Esthal" en beriehmte Mathematiker zu bilde (Thales, der mit'm Dreieck, ehr wissen jetzert wahrscheins Bscheid), awwer des hot nix zu bedeute.

Alldieweil e Dreieck jo schää schepp is, is des e guudi Iwwerleidung zu de Rubrik "Eschtler", alldieweil die Rubrik aus lauter Eschtler-Comics beschdeht un die sinn halt mol zum schepplache, denn e graades Dreieck hab isch noch net gsähne!

Aller, dann klicken eich mol schää durch die Eschtler un dun eich schää amüsiere. 'S sinn zwar noch net soviel Eschtler uff dere Seit, awwer 's wärrn immer määner!

Eschtler Dorfältester

Eschtler Knüppler

Eschtler bei de Sprochpriefung

Eschtler Sautot

Eschtler Erfindunge (1)

 

ZURÜCK ZUR ZENTRALE