________________________________________________________________________________ 
________________________________________________________________________________ 

:::::::::::::::::::::::::::::::::::::::::::::::::::::::::::::::::::::::::::::::: 

                         < < < < < A C H T U N G > > > > > 

                !!!! Die E-Poscht is immer noch nur fer Pälzer !!!! 

           Hesse, Badenser, Schwobe und Saarlänner misse drauße bleiwe 

:::::::::::::::::::::::::::::::::::::::::::::::::::::::::::::::::::::::::::::::: 
________________________________________________________________________________ 

Anmerkung (auf Deutsch): Um diese E-Mail am besten lesen zu können, muss beim 
E-Mail-Programm die Schrift auf "Feste Breite" eingestellt sein (do hewisch mer 
awwer alleweil die Zung verknibble misse). Auch müsst ihr HTML-Nachrichten 
empfangen können, sonst geht´s nicht (wenn ich die als reinen Text sende, dann 
kommt sie nicht so an, wie sie geplant war). 
________________________________________________________________________________ 

                                 Ausgabe 2/2000 

Rausgewer: RdPS (Retter der Pälzer Sproch) 
Chefschreiwer: Walz vun de Palz 
Schreiwer: Gretsche, Hotzeplotz, Nervesääsch, Krottegiekser, Brodworschdschorsch 

-------------------------------------------------------------------------------- 

                        Unser Motto vun dere Woch hääst: 

              <<<< Pälzer in die Palz, Saarlänner in die Saar >>>> 

-------------------------------------------------------------------------------- 

                         -Pälzer Sprochpriefung- 

Als allererschtes gibts mol die Lesunge vun de letschte Palz - Poscht: 

-Gaagelisch is naderlich uusicher, un net deier oder laut rufe. 
-En Pädeltreter is en Holzschuh un nix anres. 
-Kruzze werd zwar heit oft als Iwwerrescht vun em Abbel benitzt, awwer 
 urschpringlisch isses än klääne Mann. 
-Hoorische sinn Kartoffelknedel, also Grumbeerknepp, un net irschendää Lumbepack 
 oder Beswillischkeite. 

So (oder "soderle", wie de Schwob saache det), isch hoff, ihr hän alles 
gewisst. 

-------------------------------------------------------------------------------- 
Un jetzt gibts ach widder die näkschte vier Frooche: 

Fissemadente: ( ) fieser Mensch               blotze: ( ) staunen 
              ( ) Ausflüchte                          ( ) rauchen 
              ( ) Fußleiden                           ( ) verhauen 

Ziehamrieme:  ( ) Rolladen                    bexle:  ( ) necken 
              ( ) Gürtel                              ( ) stottern 
              ( ) Ziehharmonika                       ( ) übel riechen 
  

Zum Schluss noch en Insaider: 

Schdummel:    ( ) Labello-Stift 
              ( ) Überrest 
              ( ) Schimpfwort 

-------------------------------------------------------------------------------- 
Mer hänn beschlosse, e neie Rubrik in unser Palz - Poscht uffzunemme: 
Do sinn e paar Pälzer Witze: 

1.)In Ludwigshafe hockt ä aldi Schachtel in de Schdroßeboh un hot newer 
   sich ä Paget uff´em Platz. Alleweil kummt ähn junge Mann un mecht sich 
   dort hiesetze wu des Paget steht. "Owacht! Die Eier!" sacht die alt 
   Schachtel zu demm junge Spunt. Der hot die Sachlach naderlich glei 
   erkannt un sacht: "Ah, in demm Kardong sinn beschdimmt Eier drin." Die 
   Oma awwer kondert trucke: "Näh, moin Liewer, Schdacheldroht." 

2.)"Kriech mißt´s gewwe", fordert de Erwin. Dodruffhie reagiert de Fritz 
   arch sauer. "Wääschd Fritz, Kriech, in die wu finf Lidder noigehn." 

3.)Was is zwanzich Meter lang un riecht nach Lewwerworscht? - Ähn Bus voll 
   Pälzer. 

-------------------------------------------------------------------------------- 

Wenn irschendääna die erscht Palz-Poscht noch net kriecht hot, do is nochemol 
´s Pälzer Alfabet zum lerne: 

 A : Abbelpannekuche     B : Brodworschd         C : Cyriakuspädler 
 D : Dummbabbler         E : Elwetritsche        F : Fasaneschreck 
 G : Grumbeere           H : Horwel              I : iwwerzwersch 
 J : Joggel              K : Keschtebääm         L : lebsch 
 M : Maade               N : norre               O : Owacht 
 P : Persching           Q : Quasselschtrip      R : Roischnook 
 S : strunze             Sch: Schlabbe           T : Treppler 
 U : Uuzname             V : Versehrdesport      W : Woirewe 
 X : Xangbuch            Y : Ypsel               Z : Zorniggl 

-------------------------------------------------------------------------------- 

Demnäkscht gibts ach unser Hoompäitsch un neie E-Poscht-Adresse; genauere Infos 
in de näkschte Ausgaab vun de Palz-Poscht. 

Also, immer schää Pälzer bleiwe! 

Bis dann, 
          eier Walz vun de Palz. 

ZURÜCK ZUR ARCHIV-ÜBERSICHT